Бібліятэкар Елкаўскай сельскай бібліятэкі запрасіла сваіх юных чытачоў здзейсніць літаратурную вандроўку “Па старонках казак Уладзіміра Караткевіча”. Дзеці пазнаёміліся з яго біяграфіяй і творчасцю. Прысутных вельмі ўразіла, што Караткевіч ужо ў тры з паловай гады ўмеў чытаць, а ў шэсць пісаў вершы і апавяданні. Удзельнікі з задавальненнем шукалі твор па пачатку, шукалі лішняга героя казкі, вызначалі, якім казкам адпавядаюць прыказкі, складалі назвы казак, шукалі адказы на пытанні: чаму верабей скача двума нагамі, чаму ў савы рознакаляровыя пер’і інш. Усе адказы на пытанні дзеці змаглі знайсці на кніжнай выставе “Уладзімір Караткевіч – дзецям”.
