У рамках святкавання 95-годдзя з дня нараджэння Уладзіміра Караткевіча, класіка беларускай літаратуры, у Зэльвенскай раённай бібліятэцы адбылося чарговае паседжанне літаратурнай гасцёўні “Ліра” у фармаце літаратурнай гадзіны “Рамантык беларускай літаратуры”.
Падчас мерапрыемства ўдзельнікі мелі магчымасць даведацца пра жыццёвы шлях і творчасць Уладзіміра Караткевіча. Пазнаёміліся з найбольш яскравымі творамі аўтара, праслухалі цытаты з яго творчасці. Прысутныя падзяліліся ўласнымі ўражаннямі ад яго твораў. Далей была прадастаўлена магчымасць паглядзець фрагмент з фільма “Дзікае паляванне караля Стаха”, прагучалі ўрыўкі з твораў Уладзіміра Караткевіча, а таксама вершы са зборнікаў “Матчына душа”, “Вячэрнія ветразі”, “Мая Іліяда”, якія чыталі ўдзельнікі літаратурнай гасцёўні “Ліра”.
Мерапрыемства прайшло ў цёплай і ўтульнай атмасферы, спрыяльнай для аднаўлення і паглыблення ведаў пра вялікага беларускага пісьменніка.
