Міжнародны дзень інвалідаў — гэта яшчэ адзін момант нагадаць грамадскасці пра клопат аб тых, хто мае патрэбу ў дапамозе і ўвазе. У гэты дзень бібліятэкар Славаціцкай сельскай бібліятэкі-клуба правяла акцыю “Павер у сябе” і наведала людзей з абмежаванымі магчымасцямі. Тым самым яна даставіла сваім чытачам радасць зносін з кнігай, пазнаёміла з новымі паступленнямі, прынесла перыядычныя выданні па інтарэсах і парэкамендавала ім літаратуру для займальнага чытання.
