У Крывіцкай сельскай бібліятэцы-клубе да Міжнароднага Дня памяці ахвяр генацыду прайшоў урок гісторыі “Генацыд: успомніць усё, памятаць кожнага”. Ёсць падзеі, даты, імёны людзей, якія ўвайшлі ў гісторыю кожнага горада, вёскі, краю, краіны і нават у гісторыю ўсёй зямлі. Пра іх пішуць кнігі, расказваюць нашчадкам. Галоўнае ж — пра іх памятаюць. І гэтая памяць перадаецца з пакалення ў пакаленне і не дае памеркнуць падзеям мінулых гадоў. Пакуль людзі памятаюць пра трагедыю мінулага, здабываюць з гэтага ўрокі, яны не дазволяць гісторыі паўтарыцца.
