Удзельнікі лялечнага гуртка “Вясёлка” Зэльвенскай раённай бібліятэкі ў чарговы раз парадавалі сваіх юных чытачоў спектаклем “Навагодняя казка”. Дзеці змаглі атрымаць асалоду ад яркай і святочнай гісторыі лясных звяроў, акунуцца ў казачную атмасферу Новага года і, вядома ж, сустрэцца з Дзедам Марозам і Снягуркай. Далей усе разам пагулялі ў зімовую гульню “Снегопад”, станцавалі танец лясных звяроў “Зимняя пляска” і праспявалі песню “В лесу родилась ёлочка”. Юныя гледачы атрымалі масу станоўчых эмоцый і вясёлы настрой. А юныя артысты напярэдадні самага чароўнага свята атрымалі салодкія прызы ад бібліятэкараў.
