Напярэдадні 160-годдзя з дня нараджэння выдатнага англійскага пісьменніка
Рэдзьярда Кіплінга, якое адзначаецца 30 снежня, у Каралінскай сельскай бібліятэцы прайшло займальнае мерапрыемства для юных чытачоў. Дзеці адправіліся ў падарожжа па кнігах “Казачныя джунглі Кіплінга”. Яны пазнаёміліся з жыццём і творчасцю аўтара, які падарыў свету мноства добрых і павучальных казак, дзе галоўнымі героямі сталі жывёлы. Дзеці з задавальненнем удзельнічалі ў конкурсах “Дапішы, хто гэта?”, “Пра каго радкі”, “Дакладна ў мэту!”, пра лясных насельнікаў, даведваліся цікавыя факты з іх жыцця і ўспаміналі любімыя творы. Вядома ж, не абышлося без згадкі самага знакамітага персанажа – Маўглі, чыя гісторыя прынесла пісьменніку сусветную славу. У завяршэнні мерапрыемства дзеці з задавальненнем паглядзелі ўрывак з мультфільма “Маўглі”, ажывіўшы ў памяці любімых герояў.
