Бібліятэкар Міжэрыцкай інтэграванай бібліятэкі правяла са сваімі чытачамі вусны часопіс “Адпачынак на зімовых канікулах”. Зімовыя канікулы – цудоўны час! Так шмат цікавых і захапляльных спраў, якімі можна заняцца! Бібліятэкар не толькі пазнаёміла і расказала ўдзельнікам пра тое, як можна правесці зімовыя канікулы: катанне на санках, лыжах, каньках, і простыя гульні ў снежкі і многае, многае іншае але і завастрыла ўвагу, што нельга забываць аб правілах бяспекі. Калі прытрымлівацца правілаў бяспекі, то можна зберагчы сябе і сваіх блізкіх ад няшчасця. Выкананне простых і зразумелых правілаў дапаможа захаваць жыццё і здароўе, атрымаць ад зімы толькі станоўчыя эмоцыі. Далей яна прапанавала правесці час з карысцю: аказаць пасільную дапамогу кнігам. Удзельнікі мерапрыемства ўспомнілі правілы беражлівага абыходжання з кнігай, а бібліятэкар падзяліліся сакрэтам, як можна “вярнуць да жыцця” кнігі. Школьнікі вельмі старанна і акуратна падклейвалі старонкі, прыводзілі ў парадак вокладкі кніг, якія мелі патрэбу ў рамонце. Адрамантаваныя кнігі атрымалі “другое дыханне”, а самі дзеці – новыя веды і яркія ўражанні!
