Бібліятэкар Елкаўскай сельскай бібліятэкі правяла пазнавальна-гульнявую праграму “Вясёлыя Каляды”. Удзельнікамі мерапрыемства сталі актыўныя чытачы Елкаўскай сельскай бібліятэкі. Святар Сынкавіцкага храма айцец Віталь распавёў дзецям гісторыю Раства так, як яна прадстаўлена ў праваслаўных крыніцах. У ходзе мерапрыемства дзеці з задавальненнем адгадвалі калядныя загадкі, адказвалі на пытанні віктарыны, прымалі ўдзел у гульнях.
Усе ўдзельнікі мерапрыемства сышліся ў меркаванні, што Каляды – адно з самых любімых зімовых святаў, бо гэта час радасці, падарункаў, сустрэч, сюрпрызаў і весялосці.
